نہر

ابن سیرینؒ کے مطابق نہر کا صاف خوشگوار پانی اچھی زندگی کی علامت ہے۔ سفر میں یا اجنبی جگہ صاف پانی پینا نئے کام میں مصروفیت اور فائدے کی علامت ہے۔ کڑوا بےمزہ پانی تاریک اور بری زندگی کی علامت ہے۔

نہر کا جاری صاف پانی کام کے جاری رہنے کی، اور گدلا پانی کام کی تباہی کی علامت ہے۔ تخت پر بیٹھ کر نیچے پانی بہتا دیکھنا دولت اور اقبال کی علامت ہے، جیسا کہ قرآن میں ہے: تَجرِی مِن تَحتِهَا الاَنهَارُ (اس کے نیچے نہریں بہتی ہیں)۔ صاف پانی میں بیٹھنا غم سے نجات، بیماری سے شفا، قرض سے آزادی، یا وطن واپسی کی علامت ہے۔

امام جابر مغربیؒ کے مطابق نہر باعزت اور فائدہ مند شخص کی علامت ہے۔ نہر کا پانی اٹھانا کسی مالدار سے فائدہ حاصل کرنے کی علامت ہے، اور چھوٹی نہر لمبی عمر کی علامت ہے۔