منہ

ابن سیرینؒ کے مطابق منہ کاموں کی کنجی اور خاتمے کی علامت ہے۔ منہ سے نکلنے والی بات نیک یا بد کلام کی علامت ہے۔ منہ تنگی سے بند ہونا موت کے قریب ہونے کی علامت ہے۔ منہ آٹے سے بھرا ہونا موت کے قریب ہونے کی علامت ہے۔ منہ کشادہ ہونا رزق کی فراوانی کی علامت ہے۔ منہ سے گوشت گرنا نقصان کی، اور خون نکلنا کسی سے گفتگو کرنے کی علامت ہے۔

حضرت اسماعیل اشعثؒ کے مطابق منہ سے کیڑا یا جانور نکلنا گھر والوں میں سے کسی کی جدائی کی علامت ہے۔ منہ سے موتی نکل کر لوگوں کا اٹھانا لوگوں کے علم سے فائدہ اٹھانے کی علامت ہے۔ کسی کا منہ پر مہر لگانا رسوائی کی علامت ہے، جیسا کہ قرآن میں ہے: اَلیَومَ نَختِمُ عَلٰی اَفوَاهِهِم (آج ہم ان کے مونہوں پر مہر لگائیں گے)۔

امام جعفر صادقؓ کے مطابق منہ کی سات ممکنہ تعبیریں ہیں: گھر، خزانہ، کاموں کی کشادگی، ضرورت، مال، وزیر، یا دربان۔