ہنسی

ابن سیرینؒ کے مطابق خواب میں ہنسی غم کی علامت ہے۔ کھلکھلا کر ہنسنا زیادہ غم کی علامت ہے، جیسا کہ قرآن میں ہے: فَلیَضحَکُوا قَلِیلًا وَّلیَبکُوا کَثِیرًا (چاہیے کہ کم ہنسیں اور زیادہ روئیں)۔ آہستہ مسکرانا کم غم کی علامت ہے۔

امام ابراہیم کرمانیؒ کے مطابق آہستہ مسکرانا خواہش پوری ہونے اور خوشخبری کی علامت ہے، جیسا کہ قرآن میں ہے: فَتَبَسَّمَ ضَاحِکًا مِّن قَولِهَا (اس کی بات پر مسکرا دیا)۔

امام جعفر صادقؓ کے مطابق آہستہ مسکراہٹ اولاد کی علامت ہے، جیسا کہ قرآن میں حضرت سارہ علیہا السلام کی مسکراہٹ کا ذکر ہے: وَفَضَحِکَت فَبَشَّرنٰهَا بِاِسحٰقَ (وہ ہنسی تو ہم نے اسحٰق کی خوشخبری دی)۔ اونچی آواز کا قہقہہ غم کی اور اللہ کے کاموں پر تعجب کرنے کی علامت ہے۔