ہوا(1)

ابن سیرینؒ کے مطابق تیز ہوا چلنا علاقے کے لوگوں میں خوف کی علامت ہے۔ درختوں کو اکھاڑنے والی ہوا وبا یا کسی بڑی مصیبت کی علامت ہے۔

امام کرمانیؒ کے مطابق گرم ہوا سردی کی بیماریوں کی، اور ٹھنڈی ہوا گرمی کی بیماریوں کی علامت ہے، جبکہ معتدل ہوا صحت اور خوشحالی کی نشانی ہے۔ ہوا کا کسی کو ایک جگہ سے دوسری جگہ لے جانا سفر اور عزت کی علامت ہے۔ گرد آلود ہوا خوف کی نشانی ہے۔

امام جابر مغربیؒ کے مطابق تیز ہوا کا آسمان کی طرف لے جانا موت کے قریب ہونے کی علامت ہے، جبکہ زمین سے آسمان لے جانا بیماری کے بعد شفا کی نشانی ہے۔

امام جعفر صادقؓ کے مطابق ہوا کی نو ممکنہ تعبیریں ہیں: خوشخبری، حکومت، مال، موت، عذاب، سزا، بیماری، شفا، یا سکون۔