کاشتکار

ابن سیرینؒ کے مطابق کاشتکاری اللہ پر بھروسے اور حلال روزی کی، اور کسان نیک صفت شخص کی علامت ہے۔ بونے کے لیے زمین تیار کرنا خیرات دینے کی علامت ہے۔ بعض ماہرین کے نزدیک کسان کا کام کرنا بیماری کی علامت ہے۔

امام ابراہیم کرمانیؒ کے مطابق زمین جوت کر بیج بو کر جمع کرنا بزرگی، مرتبہ اور نعمت کی علامت ہے۔ بیج بو کر بارش ہونا اس سے بھی بہتر علامت ہے۔ بونا مگر کچھ حاصل نہ ہونا غم کی علامت ہے۔ باجرہ بونا تھوڑے مال کی علامت ہے۔

حضرت دانیال علیہ السلام کے مطابق اپنی زمین میں بیج بونا شادی اور کاموں کے درست ہونے کی علامت ہے۔ نامعلوم زمین جوت کر بیج بونا جہاد اور خیرات کی طرف رغبت کی علامت ہے۔

امام جعفر صادقؓ کے مطابق کاشتکاری کی پانچ ممکنہ تعبیریں ہیں: حلال روزی کی تلاش، خیر و فائدہ، بیماری، عزت و مرتبہ، یا معاش۔