قالین(1)

ابن سیرینؒ کے مطابق بچھا ہوا قالین لمبی عمر اور کاموں کی تکمیل کی علامت ہے — قالین جتنا لمبا، اتنی ہی بہتر علامت۔ لپٹا ہوا قالین عمر میں کمی کی علامت ہے۔ قالین کے نیچے جگہ کشادہ ہونا عزت اور دولت ضائع کرنے کی علامت ہے۔ قالین پیٹھ پر رکھنا لوگوں کی امامت کی ذمہ داری کی علامت ہے۔ لپیٹ کر کسی کو دینا عمر کے خاتمے کی علامت ہے۔

امام جابر مغربیؒ کے مطابق سبز پاکیزہ قالین رزق کی فراوانی کی، اور پرانا پھٹا قالین تنگی کی علامت ہے۔ نیا قالین ملنا اور بچھانا دولت اور لمبی عمر کی علامت ہے۔

امام جعفر صادقؓ کے مطابق قالین کی چھ ممکنہ تعبیریں ہیں: کام کا بننا، لمبی عمر، رزق کی فراوانی اور شادی، عزت و دولت، عیش کی مشکل، یا گناہ۔