چیزوں کا کانپنا

ابن سیرینؒ کے مطابق آسمان کا کانپنا اس علاقے میں فتنے اور ظلم کی علامت ہے۔ سورج چاند کا کانپنا حکمران کو نقصان پہنچنے کی علامت ہے۔ ستاروں کا کانپنا حکمران کے قریبی لوگوں میں پریشانی کی علامت ہے۔ زمین کا کانپنا وہاں فتنے کی، اور پہاڑ کا کانپنا حکمران کو نقصان پہنچنے کی علامت ہے۔

امام جابر مغربیؒ کے مطابق عرش کا کانپنا علماء کی بددیانتی کی علامت ہے۔ سات آسمانوں کا لرزنا اس علاقے کے لوگوں کے فساد پر اللہ کے عذاب کی علامت ہے۔ حکمران کے مکان کا کانپنا اس جگہ کے لوگوں پر مصیبت کی علامت ہے۔ اپنے جسم کا کانپنا فساد اور مصیبت کی علامت ہے۔