اسوہ نبویؐ اور آئمہ مساجد کا فرض

سمرہ بن جندبؓ سے روایت ہے کہ نبی کریم صلی اللہ علیہ وسلم نماز فجر کے بعد صحابہ سے پوچھا کرتے کہ کس نے خواب دیکھا، اور ان کی تعبیر بتاتے (بخاری)۔ امام نوویؒ فرماتے ہیں کہ اس سے یہ بات ثابت ہوتی ہے کہ مسجد کے امام کو اپنے نمازیوں سے خواب پوچھنا مستحب ہے۔

اگرچہ آج کے دور میں — جب نبوت کے زمانے کو تقریباً تیرہ سو سال گزر چکے ہیں اور لوگوں کی دینی بصیرت پہلے جیسی نہیں رہی — ہر امام مسجد کے لیے خوابوں کی تعبیر دینا ممکن نہیں، تاہم اگر وہ تعبیرِ خواب کی معتبر کتابوں کا مطالعہ کریں تو اپنی صلاحیت کے مطابق اس فن میں بصیرت پیدا کر سکتے ہیں۔