چکور

ابن سیرینؒ کے مطابق چکور بےوفا مرد یا دھوکے باز عورت کی علامت ہے۔ بعض مفسرین کے نزدیک یہ حرام مال کی علامت ہے۔ چکور سے لڑنا بےایمانی سے مال حاصل کرنے کی علامت ہے۔ مادہ چکور ملنا ایسی عورت سے شادی کی علامت ہے جس میں کوئی خوبی نہ ہو۔ چکور کا گوشت کھانا خوبصورت عورت سے شادی یا لونڈی خریدنے کی علامت ہے۔

امام ابراہیم کرمانیؒ کے مطابق گھر کی چکور کا مرنا بیوی کی موت یا اس کی طرف سے مصیبت کی علامت ہے۔ چکور کا اڑ جانا بیوی کو طلاق دینے کی علامت ہے۔

امام جابر مغربیؒ کے مطابق چکور پارسا مگر ناسمجھ اور بدعمل، مالدار عورت کی علامت ہے۔ گود میں سوئی چکور کسی گھر والے کے دھوکہ دینے کی علامت ہے۔

امام جعفر صادقؓ کے مطابق چکور کی چار ممکنہ تعبیریں ہیں: عورت، حرام مال، معاش، یا دلی خواہش کی تلاش۔