پہاڑ

حضرت دانیال علیہ السلام کے مطابق بلند پہاڑ پر ہونا کسی بزرگ کی پناہ میں آنے کی علامت ہے۔ پہاڑ کو جگہ سے کھینچنا کسی بڑے آدمی پر غالب آنے کی علامت ہے۔ پہاڑ پر رہنا اور چڑھنا عزت اور مرتبے کی علامت ہے، اگرچہ مشکل سے چڑھنا غم کی بھی علامت ہو سکتی ہے۔ پہاڑ سے نیچے اترنا عزت میں نقصان کی، اور چوٹی پر مقام بنانا حکمران سے قربت کی علامت ہے۔

امام جابر مغربیؒ کے مطابق پہاڑ اور محل کے اوپر ہونا خواہش پوری ہونے کی علامت ہے۔ پہاڑ کے دامن میں گرنا غم کی، اور وہاں نماز پڑھنا دین کے موافق کام کی علامت ہے۔ پہاڑ کا ہلنا اور پھر رکنا کسی بڑے آدمی کی بیماری کے بعد شفا کی علامت ہے۔ کوہِ طور پر ہونا حکمران کے بھروسے اور خواہش پوری ہونے کی، کوہِ عرفات پر ہونا توبہ کی، اور تاریک پہاڑ پر ہونا ہلاکت کے خوف کی علامت ہے۔

امام جعفر صادقؓ کے مطابق پہاڑ کی پانچ ممکنہ تعبیریں ہیں: بادشاہ، منشی کا کام، بلندی، فتح، یا سرداری۔