روشنی

ابن سیرینؒ کے مطابق روشنی دین کی ہدایت کی علامت ہے۔ کسی کو روشنی دینا دین کا علم سکھانے کی علامت ہے۔ اندھیرا گمراہی کی علامت ہے، جیسا کہ قرآن میں ہے: اَللّٰہُ وَلِیُّ الَّذِیْنَ اٰمَنُوْا یُخْرِجُھُمْ مِّنَ الظُّلُمٰتِ اِلَی النُّوْرِ (اللہ مومنوں کا کارساز ہے، انہیں تاریکیوں سے روشنی کی طرف نکالتا ہے)۔

امام ابراہیم کرمانیؒ کے مطابق سینے میں روشنی پرہیزگاری کی علامت ہے، جیسا کہ قرآن میں ہے: اَفَمَنْ شَرَحَ اللّٰہُ صَدْرَہٗ لِلْاِسْلَامِ (جس کا سینہ اللہ نے اسلام کے لیے کھول دیا)۔

امام جعفر صادقؓ کے مطابق روشنی کی چار ممکنہ تعبیریں ہیں: دین کی ہدایت، علم، سیدھی راہ، یا پاک عقیدہ۔