اوپر جانا

ابن سیرینؒ کے مطابق پہاڑ کی چوٹی، بالاخانے یا محل پر بیٹھنا خواہش پوری ہونے کی علامت ہے۔ مشکل سے اوپر جانا خواہش کے مشکل سے پورا ہونے کی علامت ہے۔ سیڑھی چڑھنا دین میں عزت کی علامت ہے — مٹی کی سیڑھی خاص طور پر اچھی علامت ہے، جبکہ پتھر چونے کی سیڑھی دین میں کمی کی علامت ہو سکتی ہے۔

امام ابراہیم کرمانیؒ کے مطابق پتھر چونے کی سیڑھی سے اوپر جانا دنیاوی عزت کی، اور مٹی کی سیڑھی آخرت میں مرتبے کی علامت ہے۔ آسمان جا کر واپس آنا سخت بیماری کے بعد شفا کی علامت ہے۔

امام جعفر صادقؓ کے مطابق اوپر جانے کی پانچ ممکنہ تعبیریں ہیں: ضرورت پوری ہونا، بیوی کی خواہش، قربت اور عزت، خواہش کا پورا ہونا، یا کام کا آگے بڑھنا۔