زلزلہ

ابن سیرینؒ کے مطابق زمین کا ہلنا حکمران کی طرف سے اس علاقے کے لوگوں پر تکلیف کی علامت ہے۔ بعض مفسرین کے نزدیک یہ آفت اور بیماری کی علامت ہے۔ زمین کا الٹ پلٹ ہونا اس علاقے میں بلا اور فتنے کی علامت ہے۔

امام ابراہیم کرمانیؒ کے مطابق زمین ہلکا سا ہلنا اور لوگوں کا غرق ہونا کسی ظالم حکمران کی آمد کی علامت ہے۔

امام جعفر صادقؓ کے مطابق زلزلہ اور زمین کا دھنسنا حکمران کی طرف سے بڑی مصیبت کی علامت ہے، جیسا کہ قرآن میں ہے: فَخَسَفْنَا بِہٖ وَبِدَارِہِ الْاَرْضَ (ہم نے اسے اور اس کے گھر کو زمین میں دھنسا دیا)۔ خلاصہ یہ کہ زلزلہ اس علاقے کے لوگوں کے لیے عذاب کی علامت ہے۔