گردہ (جسم کا عضو) (Kidney

گردہ خواب میں پوشیدہ مال کی علامت ہے جو ملے گا اور خرچ ہوگا۔ کچے اور بھنے ہوئے بہت سے گردے اسی مقدار میں چھپے ہوئے مال کی علامت ہیں۔ حلال جانور کا گردہ حلال مال کی، اور حرام جانور کا گردہ حرام مال کی علامت ہے۔

امام ابراہیم کرمانیؒ کے مطابق بعض مفسرین کے نزدیک گردہ اولاد کی علامت ہے۔

حضرت اسماعیل اشعثؒ کے مطابق گھوڑے کا پکا گردہ کھانا کسی بڑے آدمی سے مال ملنے کی علامت ہے۔ بیل کا گردہ اس سال مال کی، اور بکری کا گردہ دشمن سے مال کی علامت ہے۔ گردے کھانا حرام مال کی علامت ہے، اور صرف اپنے پاس ہونا (بغیر کھائے) کم فائدے کی علامت ہے۔