خضاب لگانا

حضرت دانیال علیہ السلام کے مطابق داڑھی پر خضاب لگانا کام چھپانے کی علامت ہے۔ سر اور داڑھی دونوں پر خضاب لگانا اپنا ظاہر دکھانے کی علامت ہے۔ خضاب لگانا نیک کام کی علامت ہے، اگرچہ وہ کام پوشیدہ رہیں گے۔

ابن سیرینؒ کے مطابق عام رواجی چیزوں سے خضاب کرنا ناپسندیدہ کاموں میں الجھنے کی علامت ہے۔ ہاتھ پاؤں پر مہندی لگانا ضائع شدہ مال کی واپسی کی علامت ہے۔

امام ابراہیم کرمانیؒ کے مطابق ہاتھ پر مہندی سے نقش بنانا کام میں چالاکی کی علامت ہے۔ پورے جسم پر نقش مال کے ضائع ہونے یا موت کی علامت ہے۔

امام جعفر صادقؓ کے مطابق خضاب کرنے کی چار ممکنہ تعبیریں ہیں: مناسب دنیاوی کام، حالات کی زیبائش، عزت کی طلب، یا جھوٹ کے ذریعے شہرت۔